Йошкар-Ола «Зелёная Россия» пӱтынь Российысе экологий сынан акцийышке ушнен. Рӱдоланан уремлажым шӱк деч эрыкташ тыглай еҥ-влакат лектын кертыт. Ӱмаште, мутлан, Йошкар-Олаште илыше 300 наре еҥ тиде пашашке ушнен да 50 кубометр наре шӱкым погеныт. Коммунал предприятий-влакат тиде сомыллан ончычак пыжыныт. Да икымше лум вочмешке Йошкар-Олан уремлаж гыч шӱкым лукташ шонат. Теве, мутлан, «Водоканал» муниципал предприятийыште тыршыше-влак Йошкар-Оласе фонтан-влакым гына огыл эрыктат, нуно ола мучко вес паша-влакымат ыштат. А тыгай сынан акцийышке икана огыл лектыныт.