Марий Элыште илыше-влак «Кросс нации» пӱтынь Российысе куржталмаш кечыш ушненыт. Стартыш вич тӱжем участник лектын. Таҥӱчашымаш ныл дистанцийыште эртен, участник-влак 2 гыч 8 километр марте дистанцийыште куржыныт. Тӱшкан куржталмашке изижат-кугужат кумылын ушнен. Мутлан, спортын ветеранже Валерий Горохов кроссыш чӱчкыдын ушна. Тудлан 76 ий гынат, тачат - вийвалне.