Калыкын шке надыржым пышташ кумылжо уло гын, корно лиеш. Кундемыштына верысе инициативылан полшымо шотышто программе 12 ий пашам ышта. Тиде жапыште шуко ялысе корно ышталтын да ончыкыжымат ышталтеш. Ял шотан илем администраций-влак ты проектыш кумылын ушнат да ялысе условийым саемдат. Советский районысо Кужмарий ял шотан илем тыгак тиде проект полшымо дене ялысе корным тӧрла. А ты илемыш, ушештарем, 33 ял пура.