Козьмодемьянскысе тоштер комплексыште тыршыше-влак Сеҥымаш тоштер дене пеҥыде кылым кучат. Пырля тӱрлӧ акций, кинопоказ-влакымат ончыктат. Мутлан, эртыше кечылаште Григорьев лӱмеш художественно-исторический тоштерыште «Блокадная юстиция. Адвокаты» фильмым ончыктеныт. Тушко Козьмодемьянскысе школлаште кугурак класслаште тунемше-влакым ӱжыныт. Козьмодемьянскысе тоштерыште кум сеанс лийын. Фильмыште Кугу Ачамланде сар кайыме годым адвокат-влак кузе пашам ыштеныт, нунын илышышт нерген ойлалтын.