Уло республик гыч 600 наре юнармеец вашлийын. Йошкар-Оласе Самырык-влакын полатыштышт 9-ше юнармий слёт эртен. Участник-влаклан спецтехникын кугу ончерже, Зинон Прохоровын реконструироватлыме подвигше, просветительский площадке-влак пашам ыштеныт. Шкем чолган ончыктышо, сарзе патриот виктышыште да спортышто ончылно улшо юнармеец-влакым «Юнармейская доблесть» медаль дене палемденыт. Тудым 30 йочалан кучыктеныт.