Марий Элысе кугыжаныш погынын 8-ше созывшын пашам ыштымыжлан ик ий. Идалык жапыште 72 законым пеҥгыдемдыме, тышечын 15-шым Россий Федерацийын законжылан келыштарыме. Тиде жапыште 10 сессий эртен. 8-ше созывыште 39 еҥ пашам ышта. Палемден кодыман, нунын коклаште специальный сарзе операцийын участникше-влак улыт. Александр Кузнецов – кугыжаныш погын председательын алмаштышыже. Депутат-влак Василий Арисов ден Борис Салдаев специальный сарзе операций кайыме верыште шке порысыштым шуктат. Депутат сомылым кызытсе технологий-влакым кучылтын але полышкалышышт гоч шуктат.