Республикысе Марий самырык театр Российын тӱрлӧ олаж гыч толшо театр коллектив-влакым вашлияш ямдылалтеш. Йошкар-Олаште 6-шо гыч 11-ше октябрь йотке «Театральные встречи на Вознесенской» лӱман самырык-влакын 1-ше фестивальышт эрта. Марий Элыш Нижний Новгород, Уфа, Чебоксар, Киров олала гыч театр-влак толыт. Фестиваль самырык да академический драме театр-влакым уша. Тудо Кугу Ачамланде сарыште сеҥымашын 80 ияш лӱмгечыжлан да Элым аралышын идалыкшылан пӧлеклалтын. Садлан кажне толшо коллектив тиде теме дене кылдалтше спектакльым конда. Мемнан марий самырык театр «Солнце над моим Донбасом» постановкым калык ончыко луктеш.