Гуманитар наукын тачысе кӱкшытшӧ да ончыкылык пашаже. Лач тидын нерген Россий кӱкшытан шанче-практике конференцийын участникше-влак кутыреныт. Валериан Васильев лӱмеш йылмым, сылнымутым да историйым шымлыше марий институтын 95 ияш лӱмгечыжлан пӧлеклалтше конференций Российын 21 регионжо гыч 130 утла участникым чумырен. Кок кечаш конференций кугу кӱкшытыштӧ эртен.