Шке пашалан ӱшанле улмылан – суаптар. Юрий Зайцев республикысе туныктышо-влакым саламлен. Тыге, регион вуйлатышын указше почеш Торгово-технологический колледжын факультет вуйлатышыже Валентина Дорофеевалан Марий Эл Республикын Почётан туныктышыжо лӱмым пуэныт. Марий Эл Республикысе образований да наукын сулло пашаеҥже лӱмым Семёновко села гыч Оксана Васенина ден Советский район гыч Людмила Кукарева налыныт. Шке пашам сайын шуктымылан туныктышо-влаклан Республик Виктерын почётан грамотыжым, Марий Эл Вуйлатышын таумутшым кучыктеныт. Туныктымо пашаште сеҥымашыш шумылан 50 тӱжем теҥге дене грантлан сертификатым пуэныт.