Шкетан лудмашыш ушныза. Оршанке районысо Кугунур кыдалаш школ кумшо гана Шкетан лудмашым эртара. Тений марий драматургийлан тӱҥалтышым пыштыше, мыскараче, прозаик, режиссёр да актёр Майоров-Шкетанын шочмыжлан 127 ий темеш. Сылнымут краеведений конференций кок ий республик кӱкшытыштӧ эртен. Тений тудо заочный формо дене эртаралтеш. 1-ше гыч 11-ше класслаште тунемше-влакым участвоватлаш ӱжыт. Тунемше да туныктышо-влаклан посна секций-влак лийыт. Тений тыгак еш-влак посна участвоватлен кертыт. Йоча-влаклан тӱрлӧ паша ден ушнаш лиеш.