Марий Элыште шуко пачеран пӧрт-влакым капитально олмыктымо шотышто республикысе адресный программе умбакыже шуйна. Тудын тӱҥ задачыже – калыкын илыш условийжым сай могырыш вашталташ. Ты программе мемнан республикыште 11-ше ий пашам ышта. Тудо 2049 ий марте шуйна. Тачысе кечылан 2023-2025 ийлан палмедыме кум ияш цикл шукталтеш. Тудын кышкарыште 176 пӧртым олмыктымо. 2023-шо ийыште – 71 пӧрт, ӱмаште – 105, тений идалык мучаш марте эше 95 пӧртым олмыктен шукташ палемдыме. Ты циклыште 198 тӱҥ конструктивный элемент, тыгак инженер сеть, леведыш, лифт, подвал да фасад уэмдалтеш.