Пашанан лектышыже. Марий Эл Телерадио «Гордость нации – 2025» округысо премийын сеҥышыже лийын. Тиде премийым этнокультурым вияҥдымашке да Российыште илыше калык-влак коклаште икоян улмашке шке надырым пыштымылан пуат. Марий Эл гыч финалыш кум проект лектын. МЭТР-ын командыже, а тиде МЭТР телеканал, МЭТР FM да Марий Эл радио, «За вклад в информационное сопровождение государственной национальной политики» номинацийыште сеҥен. Самырык инженер Артем Гурьянов Марий университетыште ямдылыме печатный плата-влаклан автоматический инспекцийлан установко дене «Поколение «Ум» номинацийыште кӱшыл наградым налын. Волжск районысо Карай кыдалаш школын туныктышыжо-влак «За вклад в сохранение и развитие культуры народов России» номинацийыште кумшо верым сеҥеныт.