Тӱвыра пӧрт ден клуб-влак у тургымым тӱҥалыныт. Кызыт республикысе 300 тӱвыра тӧнежыште тӱжем кокшӱдӧ наре еҥ пашам ышта. Нунылан идалык мучко икмыняр гана туныктымо семинар-влак эртаралтыт. Эртыше кечылаште Республикысе калык усталык рӱдер районласе тӱвыра пӧлкам вуйлатыше-влаклан у тургымым тӱҥалме шотышто семинарым эртарен. Клуб пашаеҥ-влак дене мемнан корреспондентна вашлийын.