Марий-влак уржа-сорла лектышлан, мланде пашам мучашлымылан кумалтышлаште тауштат. Шыже кӱсӧ озанлык пашан теле пагытышке куснымыжым палемда. Кажне районышто кумалтыш радамым ял калык, онаеҥ-влак дене пырля радамлат. Тӱня кумалтыш 26 октябрьыште Советский район Янгранур ял воктене Пӱнчеран отышто лиеш. Тыгак тудо кечын Шернур район Кугу Торешкӱвар, Марий Турек район Кӱшыл Мосара ял отышто кумалтыш эртаралтеш.