Сеҥыше-влакын лӱмышт пале. Марий книга савыктышын 100 ияш лӱмгечыжлан пӧлеклалтше «Читаем родное» лӱман конкурсым иктешленыт. Мероприятий «Книжный октябрь» сылнымут фестиваль кышкарыште эртен. Положений почеш, участник-влак марий книга издательствын савыктен лукмо книгам лудын, видеоотзывым войзеныт. Чылаже 59 заявке пурен. Участник-влакын ийготышт 7 гыч 79 ияш марте.