Заседанийыште 15 йодышым онченыт. Нунын коклаште иктыже: шуко шочшан еш-влакын юридический полышым яра налашлан праваштым пеҥгыдемдыме. Налог законодательствышке вашталтышым, «Об административных правонарушениях в Республике Марий Эл» законышко тӧрлымаш-влакым пуртымо. Мутлан, пырыс ден пийлан регистрацийым ыштыдымылан штрафым пуымо, тӱзатыме шотышто правил-влакым пудыртымылан мутым кучымо шотышто йодыш-влакымат онченыт.