«Сражался веруя, любя…» Тыге маналтеш Козьмодемьянскысе кава йымалсе этнографий тоштерыште почылтшо ончер. Тудым Кугу Сеҥымашлан 80 ий теммылан пӧлекленыт. Ончерым пойдараш экспонат-влакым Кугу Ачамланде сарын ветеранже, МАССР-ын сулло туныктышыжо Виктор Маловын родо-тукымжо полшен. Тидын нерген кумданрак мемнан корреспондентна Надежда Пекасова каласкала.