Республикыште илыше-влак Кугу этнографий диктантыш ушненыт. Тений тиде акций 10-шо гана эртен. Йодыш-влак Российын историйже, тыште илыше калыкын йӱлаже да тӱвыраже дене кылдалтыныт. Тенийсе лӱмгече идалыкыште посна верым Кугу Ачамланде сар да 1812 ийысе сар нерген шинчымашым тергыше йодыш-влак налыныт. Палемдыман, 3 йодышым видеоконференций гоч специальный сарзе операцийын участникше-влак пуэныт. 45 минутышто 35 йодышлан вашмутым пуаш кӱлын.