Калык-влакын икоян улмо кечыштым тӱшкан палемдат. Россий калык-влакын Ассамблейыштын Марий Элысе пӧлкаже Йошкар-Оласе 32-шо номеран школышто калык-кокласе кылым пенгыдемдыме, патриот шӱлышым вияҥдыме амал дене «Мыйын калыкемын талешкыже» республикысе шымлымаш конференцийым эртара. Участник-влак Кугу Ачамланде сарын але СВО-н талешкыже-влак нерген докладым ышташ тӱҥалыт.