Марий Элыште «Единство в дружбе» калыкле тӱвыра-влакын фестивальышт эртен. Тений тудо 12-шо гана лийын. Участник-влаклан кумда программе темлалтын. Кум кече жапыште нуно этноквизыште уш-акылыштым тергеныт, калык модыш дене модыныт, мастарлык класслашке ушненыт. Мастарлак-классым эртарыше-влак коклаште Республикысе марий тӱвыра рӱдерын пашаеҥже-влакат лийыныт. Нуно фестивальын участникше-влаклан Республикын 105 ияш лӱмгечыжлан да Калык-влакын икоян улмо кечыштлан пӧлеклалтше открыткым ышташ туныктеныт.