Марий Элын Вуйлатышыже Козьмодемьянск олаште паша дене лийын. Пытартыш ийлаште Чыкма ола пеш вашталтын. Тидлан проект-влакым илышышке шыҥдарымаш полшен. Мутлан, «Улицы старого города» проект. Тудо Российысе конкурсышто сеҥыше лийын. Паша кок ий каен. Марий Эл Вуйлатыше модельный стандарт почеш уэмдыме Козьмодемьянскысе книгагудым, тыгак Александр Григорьев лӱмеш художественно-исторический тоштерым ончен лектын.