Тиде кечылаште Марий Эл Ареныш уло республик гыч 38 команде погынен. «Движение первых» организаций да Марий Элысе Регби федераций спорт фестивальым эртареныт. Тушко кудыт гыч 18 ияш марте 400 наре участник погынен. Регби дене таҥасымаш «Вызов первых» Россий кӱкшытан проектын тӱҥалмыж нерген ойла. Программыште регби модмаш деч посна, самырык спортсмен-влаклан мастарлык-классым эртареныт. Тыгак физкультурым туныктышо ден тренер-влаклан семинар-практикум лийын. Теве У Торъял кыдалаш школышто регби модмашым кок ий ончыч спорт программышке пуртеныт.