Юл кундем федерал округ пырля мура! Мурызо, композитор да продюсер Тимур Ведерниковын «Музыка вместе» проектшын икымше саскаже – «Течёт река Волга» клипше – калык ончыко лектын. Проектын тӱҥ шонымашыже почеш – Российын тӱрлӧ регионжо гыч вокалист ден музыкант-влак ик мурсем клипыш ушнат да чылалан палыме муро-влакым пӱтынь эл дене пырля мурат. Проектыш Марий Эл гычат музыкант-влак ушненыт. Кумданрак – сюжетыште.