Йошкар-Оласе калыкле тӱссымыктыш галерейыште «Акварель родного края» ончер почылтын. Паша-влакын авторышт – самырык сӱретче-влак, Марий Эл Республикысе художественный школлаште тунемше-влак. Тиде проект ӱмаште илышышке шыҥдаралтын. Талантан йоча-влак Козьмодемьянск олашке ик арнялан каеныт да верысе пӱртӱсым, Чыкма олан сылне верлажым пленэрыште сӱретленыт. Теният республикысе художественный школла гыч йоча-влак шкеныштын усталык сменыштым тушто эртареныт. Ындыжым нунын эн сай пашашт-влакым тиде ончерыште ужаш лиеш.