Звениговышто Тазалык аллейым почыныт. Тушко Марий Элын Вуйлатышыже Юрий Зайцев миен. Олам тӱзатыме пашам ыштымым ончен лектын. Тушто «Формирование комфортной городской среды» проект почеш оласе аллейым тӱзатеныт. Верысе калык тиде тӱшкан пайдаланыме кумдыкым олмыктымо верч ӱмаште йӱклен. Ындыжым тыште ача-ава-влак йочашт дене пырля каналтен кертыт. Йолын ошкыл кошташ корным ыштыме. Чай павильон уло. Таза илыш-йулам кучышо-влаклан тренироватлалташ чыла йӧным ыштыме.