Герой-влакын лӱмыштым шарнен да жаплен. Морко посёлкысо Михаил Янтемир лӱмеш литератур-этнографий тоштерыште «Геройын ачаже» фотоончер почылтын. Тудо специальный сарзе операцийын участникше-влакын подвигыштлан пӧлеклалтын. Выставкыште СВО-што вуйым пыштыше эрге-влакын портретыштым кучышо ача-шамычын фотографийышт ончыкталтын. Нунын кокла гыч иктыже – Дмитрий Петровын ачаже, Анатолий Петров. Дмитрийын ӱмыржӧ 2022 ийыште СВО-што кӱрылтын. Лӱддымылык да патырлык койшым ончыктымыжлан колымекыже, воин Патырлык орден дене палемдалтын.