Открыткыште – марий вургем. Марий Элын калык кидмастарже Ираида Степанова у паша дене палдарен. Тӱрлӧ кундемыште илыше марий-влакын вургемыштым тӱр тоштерышке икмыняр ий чумырен, шкежат тӱрлен, урген. Тыште Курыкмарий, Олыкмарий, шарпанан марий-влакын вургемыштым ужаш лиеш. Тыгодым ожнысо да 21 курымышто ыштыме вургемат улыт. Тидын годым калык кидмастар шанчызе-влак дене каҥашен, вургемын да сӧрастарыме арверын чынлыкшым ончыктен.