Социал воткыллаште Яльчик ер йомаш тӱналме нерген чӱчкыдын возаш тӱҥалыныт. Фото-влакымат вераҥдат. Тушто вӱдын волымыжо коеш. Верын-верын пундаш марте вӱд кошкен. Тыгайже шукертсек лийын огыл. Палемдыман, тыгай ер-влак вӱдым мланде йымалсе памаш-влак деч налыт. Вӱдым налме кумдыкшат кугужак огыл. Пытартыш ийлаште лумат шагал лийын, эҥер ден ер-влак вӱд дене тӱрыснек темын огытыл.