Козьмодемьянск олаш тений 512 теплоход толын каен. Тидын дене верысе турист увер рӱдерыште палдарат. Тиде кечылаште турист теплоход-влакын навигацийышт мучашлалтын. Эртыше ий дене таҥастарымаште 118 судозаходлан шукырак. Пытартыш гана Козьмодемьянскысе причалышке «Лебединое озеро» ныл палубан теплоход шогалын. Тиде тургымышто турист-влак утларак толыныт. Тушто 60 тӱжем наре уна лийын.