Эҥерыште – кум йӱксӧ. Шернур районысо Шердыж эҥерыште верысе калык кум йӱксым шекланен. Тидын нерген верысе пабликлаштат возеныт. Могай амаллан кӧра нуно шокшо элыш чоҥештен каен огытыл? Тиде йодыш Шернур районышто илыше калыкым тургыжландара. Умылтарымашым Янлык тӱня департамент пуа. Шернур районын кугыжаныш инспекторжо Сергей Тимин ты верыш лектын коштын. Кайыквусо-влакын капыштышт нимогай сусыр палым шекланен огыл.