Эртыше кечылаште Тӱвыра министерствыште «Земский работник культуры» программын участникше-влак дене вашлиймаш эртен. Тиде федерал программе почеш тений республикысе ялысе тӱвыра тӧнежлаште 4 специалист пашам ышташ тӱҥалын. Нуно Морко, Медведево, Шернур да Параньга районлаште сентябрь гыч тыршат. Тачысе кече марте нунын паша лектышышт, ончыкылык шонымашышт да умбакыже программе дене пашам ыштымышт нерген мутланеныт. Проектын ик участникше - Арбанысе тӱвыра пӧртын вуйлатышыже Екатерина Рыбакова.