5 декабрь - Российыште доброволецын кечыже. Ты пайрем 2017 ий гыч элнан Президентше Владимир Путинын кӱштыкшӧ почеш палемдалтеш. Республикыштына уста да ойыртемалтше волонтёр-влакым «Марий Элыште добровольчествым вияҥдаш полшымылан» отличий знак дене палемдат. Таче республикыште 90 тӱжем утла еҥ поро пашам шукта. Нунын коклаште тӱрлӧ ийготан да тӱрлӧ профессиян-влак улыт. Волонтер-шамыч медицине пашаеҥ-влаклан полшат,экологий, тӱвыра мероприятийлаште шкеныштым чолган ончыктат, тӱрлӧ туткар годым утарыме пашам шукташ полшат. Тений шыжым утарыше отряд Курскышто пашам ыштен.