«Илаш». Тыге мурызо Игорь Дабакаровын патриот сынан кугу концертше маналтеш. Тудо Марий Элыште илыше тӱрлӧ калык-влакым пырля чумырен. Тиде проектым Россий калык-влак ассамблей сайлан шотлен. Музыкантын мутшо почеш, проектыште эн тӱҥ – калык кокласе келшымаш. «Жить» лӱман концерт Элым йӧраташ, икте-весым пагалаш ӱжеш, самырык тукымын чонышто шочмо эл верч кугешныме шижмашым ылыжта. Репертуарыште утларакшым Игорь Дабакаровын авторский мурыжо.