Историйын летописецше. «Герои Отечества» тоштер-патриот рӱдерыште у фотоончер пашам ышта. «Летописцы истории: спираль времени сквозь объективы фотокамер» лӱман проект коло пашам калыклан аклаш темла. Выставкым «Новые регионы России» журнал редакций погаш кумылаҥын. Тудлан Эрвел-Крым заповедник-тоштер ышташ полшен. Фотоончерыште Кугу Ачамланде сар жапысе фотографий-влакым ужаш лиеш. Нунын авторышт – кумдан чапланыше совет фотокорреспондент Евгений ХалдЕй. Выставкыште тыгак 2022-2025-ше ийласе фотом вераҥденыт. Нуным фотограф-документалист Сергей Венявский ыштен.