Йылмым усталык гоч шуарена. Йошкар-Оласе 29-ше номеран «Ший оҥгыр» йочасадыште Марий тиште кечылан пӧлеклалтше пайрем эртен. Поро йӱла почеш, тыште «Сылнымут аршаш» оласе конкурс лийын. Тудо ынде 17-ше ий усталык шӱлышан йоча-влакым чумыра. Икшыве-влак марий йылме дене сылнымут корнылам лудыныт. Конкурсышто Йошкар-Оласе 34 йочасад гыч икшыве-влак участвоватленыт. Тыште ик эн тале, виян, сылнын почеламутым лудшо-влак чумыргеныт. Жюри йоча-влакым кок номинаций дене аклен. Тиде 3 гыч 5 ияш да 7 ияш марте.