СССР-ын спорт мастерже Эрик Якаевын призшылан турнир эртен. Тудо 4-ше гана Медведево посёлкысо «Витязь» ФОК-ышто боксер-влакым чумырен. Регион-влак кокласе таҥасымашыште 150 утла спортсмен шке вийжым терген. Нуно 7 регион гыч, а тиде Угарман, Виче кундемла, Удмурт, Чуваший, Татарстан, Марий Эл республикыла, Моско область гыч лийыныт. Бокс дене турнир виян спортсмен-влакын лӱмыштым почеш, регион кокласе кылым пеҥгыдемда да тренер-влакын пашаштым чапландара.