Россий Президент дене вияш линий. Тиде - пытартыш кечыласе ик эн тӱҥ увер. Москваш мемнан республик гыч «Марий Эл Радион» тӱҥ редакторжо Владимир Матвеев да «Марий Эл» увер агенствын директоржо Евгений Кузнецов миеныт. Ятыр шагат шуйнышо вашлиймаште шуко йодышым нӧлталыныт. Ты радамыште тӱнямбал политике, СВО да тыныс илыш, боец-влакын илышыште верыштым мумаш, тыгак шуко социал илышым авалтыше йодмаш лийын, туризм нергенат йодыныт.