У ий йӱдым марий муро дене вашлияш. 31 декабрьыште 11 шагат йӱдым «У ий водын Марий Эл Радио дене пырля» телешоум ончаш темлена. Тиде проект тений 4-ше гана марий эстрадын мурызыжо да радиовӱдышӧ-влакым пырля ушен. 2 шагаташ кугу концерт программе марий муро, куштымаш, весела кумыл да пайрем шӱлыш дене чоҥалтын. Саламлымаш да муро-влак олык да курыкмарла йоҥгалтыт. Тушко тений 30 утла мурызо ушнен. Тиде калыкыште кумдан палыме, тыгак тӱҥалше самырык мурызо-влак.