У ий – кажне еҥын ик эн вучымо пайремже. Тудо юзо шӱлышым арала. Поснак йоча-влак тиде пайремым вучат. М. Шкетан лӱмеш Марий кугыжаныш драме театр идалык еда У ийлан пӧлеклалтше пайремым эртара. Мутлан, артист-влак йоча-влакым воштончышан фойеште, кож воктене интермедий дене вашлийыт. Кож йыр мурен-куштымеке, сценыште «Волшебная лампа Алладина» спектакль дене йоча-влакым вучат. Тачысе кечын чылаже 15 представленийым 2 тӱжем утла икшывылан ончыктеныт.