А марий йӱлам кучышо-влакым Шорыкйол пайремыш ушнаш ӱжыт. Тиде У ийын икымше кечышот пайремже. Мужедме, модмо пагыт. Тудо тошто ийым иктешла да у ийым почеш. Жап эртыме семын акретле пайрем тачысе илышлан келыштаралтеш гынат, тӱҥ йӱла-влак аралалт кодыт. Самырык тукымлан ончыктымо амал дене Республикысе марий тӱвыра рӱдер кажне ийын Шорыкйол пайремым эртара. Тений тудо 7 январьыште Марий паркыште лиеш.