У ийым МЭТР телеканал дене пырля вашлийына. 31 декабрьлан ме тыланда пайрем программым темлена. 9 шагат эрдене да 20 шагатлан эфирыштына «Тыланем мый тыланет» саламлымаш программе. 10 шагатлан да 19 шагатлан увер выпускыштына эртыше идалыкым иктешлена. А 9 шагат кас гыч Марий Эл Радион вӱдышыжӧ да марий мурызо-влак дене пырля эртыше ийым ужатена да у идалыкым вашлийына. 21 шагатлан Марий Эл Радион 20 ияш лӱмгечыжлан пӧлеклалтше концертым ончыза. А 23 шагат гыч «У ий водын 2026» телепроект тӱҥалеш.