Козьмодемьянск оласе Александр Григорьев лӱмеш художественно-исторический тоштерыште «Дом бога» ончер пашам ышта. Тушто Санкт-Петербургысо сӱретче Сергей Павлов-Опульсын 20 пашажым ончыктымо. Сергей Марковичын радынаже-влакым Козьмодемьянскысе тоштерыште икымше гана ончыктат. Тудын творчествыштыже эн кугу верым «Острова веры» лӱман православий храм ден монастырь-влак сӱрет циклже налеш. Сергей Опульс икмыняр ий монастырьлаште илен, тусо илышым, монах-влакын бытыштым эскерен. Тудо 2021-ше ийыште илыш дене чеверласен. Но сӱретчын пашаже-влак илышт манын, тудын пелашыже Наталья Булгакова нуным ончерышке чумырен.