Сергей Чавайн лӱмеш книгагудышто «Кӱчык метражан кинон кечыже-влак» тӱнямбал фестивальын йӱксавышыже эрта. Тушто ты фестивальысе программыш пурышо фильм-влакым ончыктат. Ушештарем, фестиваль эртыше ийыште декабрь кыдалне Москваште эртен. «Кӱчык метражан кинон кечыже-влак» фестиваль идалыкын эн кӱчык кечынже, 21 декабрьыште, лиеш. Тӱнямбал фестиваль тӱвыра инициативе-влак президент фондын полшымыж дене эрта. Эртыше У ий каныш кечылаште йоча да кугыеҥ-влак анимациян кином ончен кертыныт.