У ий каныш кечылаште кином онченыт. Эртыше идалык мучаште Республикысе 6 районышто у кинозал почылтын. Параньга, Приволжский, Советский, Юрино посёлкылаште, тыгак Шернур районысо Кукнур да «Лесная сказка» тазаҥдыме комплексыште кинозал-влакым видеоселектор йӧн дене Республик Вуйлатыше почын. У ий канышыште у кинозалын пашажым аклаш мемнан корреспондентна Советский посёлкысо «Сай кино» кинозалыш миен коштын.