2026 ий – Российысе калык-влакын икоян улмо идалыкышт. Марий Элыште тудым келшымаш фестиваль дене тӱҥалыныт. Фестиваль Марий Турек районысо Карлыган да Сардаялыште эртен. Тудын организаторжо – «Россий калык-влакын ассамблейышт» Российысе мер кугыжаныш организацийын Марий Элысе пӧлкаже. Фестивальын тӱҥ амалже – тӱрлӧ калыкын йӱлажым пагалаш, калык кокласе келшымашым пеҥгыдемдаш.