Марий Эл Виктер пӧртыштыжӧ республикысе СМИ-ште тыршыше-влакым Печать кече дене саламленыт. «Марий Эл Республикын сулло журналистше» чап лӱм дене МЭТР телеканалын шеф-редакторжо Рамиля Салихова палемдалтын. Тудо журналистикыш 2000-ше ийыштак толын. Увер службын корреспондентше, вара радиошто редактор, информаций вещанийын тӱҥ редакторжо лийын. Рамиля Салихова кугу телепроект-влакын авторжо. Тыгаяк чап лӱмым «Марий Эл» газетын редакторжо Галина Кожевниковалан пуымо. Тӱрлӧ номинацийлаште сеҥыше-влакат шагалын огытыл. Мутлан, «За лучшее освещение социально-экономического развития Республики Марий Эл» номинацийыште Марий Эл Телерадион авторский коллективше палемдалтын.