Йошкар-Оласе Чарла Кремльыште «Зимний Кремль» историй реконструкций фестиваль эртен. Йӱштӧ игечым ончыде, оласе калык рыцарь-влак турнирым ончаш чумырген. Ынде вич ий почела Кремль Кокла курым тӱҥалтышке кусна. Историй реконструкций клуб-влак шкеныштым телемысе условийысе вашпижмаште тергат. Фестиваль шукертак регион-влак кокласе кӱкшытым налын. Тышке опытан боец ден тиде аланым шымлаш тӱҥалше-влак ушнат.