Шернур округышто добровольчествым вияҥдыме рӱдерыште «Новогоднее волшебство» телымсе сӱрет ончер пашам ышта. Сӱрет-влак теле, У ий да Рошто темылан пӧлеклалтыныт. Выставкым йоча-влак ямдыленыт, шке сымыктыш произведенийыштышт Йӱштӧ Кугыза ден Лумӱдырым, нунын илемыштым, Рошто деч ончычсо касым да тулеч моло сюжетым ончыктеныт. Добровольчестве рӱдерыште палдарат: У ий каныш кечылаште тудым 300 утла еҥ аклен.