Эртыше арня спорт таҥасымашлан поян лийын. «Юбилейный» спорт ареныште бокс дене Марий Эл Республикын Чемпионатше да Первенствыже эртеныт. Тушко Йошкар-Ола, Козьмодемьянск, Звенигово, Волжск олала да республикын моло муниципалитетше гыч 86 спортсмен ушнен. Кажне ийгот да нелыт категорийыште эн тале боксёрым ойыреныт. Нунын коклаште Килемар посёлко гыч латкум ияш Максим Ширяев лийын. Боксышто тудын опытшо изи огыл. Вич ий дзюдо дене кылым кучен, а идалык ончыч боксыш толын.