Марий Элыште военно-патриотический месячник тӱҥалын. Тиде кышкарыште Патырлык урокым, кызытсе Герой-влак дене вашлиймаш ден тӱрлӧ спорт мероприятий-влакым эртараш палемдыме. Военно-патриотический месячникым Марий Элын Вуйлатышыже Юрий Зайцев почын. Икымше кечын Йошкар-Олаште сарзе-патриот форум эртен. Тушко 600 наре еҥ погынен. Нунын коклаште юнармеец-влак, Марий Элысе сарзе-патриот клуб-влакын воспитанникышт ден наставникышт лийыныт. 14 просветительский кумдык пашам ыштен. Самырык-влак полатыште кызытсе вооружений да технике ончерым ямдыленыт. Тыгак слётыш толшо-влак тӱрлӧ обмундированийым чиен ончен кертыныт. Форум кышкарыште СВО-н участникше-влак дене вашлиймаш эртен.